IcelandSIF býður félagsmönnum á rafrænan morgunfund fimmtudaginn 18. mars n.k. þar sem fjallað verður um sjálfbærar fjármálaafurðir. Fundurinn, sem stendur yfir frá kl. 9:00-10:00, verður haldinn á TEAMS og hlekkur sendur í tölvupósti á skráða aðila daginn fyrir fund.
Á síðustu þremur árum hefur orðið gríðarlegur vöxtur í hinum ýmsu sjálfbærnitengdum fjármálaafurðum, lánum og skuldabréfum, sem eru m.a. gefin út í þeim tilgangi að styðja við ákveðin umhverfis, sjálfbærnis eða félagsleg markmið.
Á fundinum mun Joop Hessels, yfirmaður Grænna, félagslegra og sjálfbærnis skuldabréfa hjá ABN Amro Bank NV fjalla um sjálfbærar fjármálaafurðir og mismunandi nálgun sem þær hafa upp á að bjóða frá sjónarhóli bæði fjárfesta og útgefenda.
Þá mun Signý Sif Sigurðardóttir, forstöðumaður Fjárstýringar hjá Landsvirkjun vera með erindi, en Landsvirkjun hefur einna mestu reynslu af innlendum útgefendum og nýtt sér flestar slíkra afurða, gefið út græn skuldabréf, tryggt sér sjálfbærnitengda lánalínu og gert lánasamning tengdan heimsmarkmiðum Sameinuðu þjóðanna.
Gert er ráð fyrir 15 mínútum í lokin fyrir spurningar og svör.