Fréttalisti

Fimmtudaginn 29. ágúst var haldinn fjölsóttur fræðslufundur á vegum IcelandSIF sem Háskólahópurinn skipulagði. Í upphafi fundar minntist Kristín Jóna Kristjánsdóttir, stjórnarformaður IcelandSIF, Óla Freys Kristjánssonar, varaformanns stjórnar IcelandSIF, með stuttu ávarpi, en hann lést á líknardeild Landspítalans 25. ágúst.

Við viljum vekja athygli á ráðstefnu Nordic SIF, sem haldin verður að þessu sinni í Stokkhólmi dagana 7. og 8. nóvember. Ráðstefnan er eingöngu opin meðlimum Swesif, Dansif, Finsif, Iceland SIF og Norsif og er mikilvægur vettvangur til að fara yfir og deila þekkingu á þeim viðfangsefnum sem við öll eigum sameiginleg.

Morgunblaðið birti grein eftir Kristínu Jónu Kristjánsdóttur og Vigdisi Sif Hrafnkelsdóttur, fulltrúa fræðsluhóps IcelandSIF um aðferðarfræði ábyrgra fjárfestinga.

Viðskiptablaðið birti grein eftir Eyrúnu Einarsdóttur og Hreggvið Ingason, fulltrúa fræðsluhóps IcelandSIF um sjálfbær skuldabréf.

Stjórn samtakanna horfir nú til starfsins í haust. Stefnan er að fylgja eftir hlutverki samtakanna um að vera umræðuvettvangur fyrir ábyrgar og sjálfbærar fjárfestinga og efla þannig þekkingu fjárfesta á aðferðarfræði sjálfbærra og ábyrgra fjárfestinga. Könnun sem framkvæmd var meðal félagsamanna sýndi að það vanti íslensk dæmi um innleiðingu ábyrgra og sjálfbærra fjárfestinga. Í þessu sambandi er tækifæri til samstarfs við viðskiptadeild Háskóla Íslands þar sem kennt er námskeið á sviði viðskiptasiðfræði á meistarastigi. Munu nemendur vinna að raunhæfum verkefnum í samstarfi við aðildarfélög Iceland SIF og undir leiðsögn kennara námskeiðsins, Þröst Olaf Sigurjónssonar.

Við vekjum athygli á áhugaverðum viðburði sem haldinn verður dagana 7. og 8. nóvember n.k. á vegum norrænu SIF samtakanna í Stokkhólmi. Norrænir samstarfsaðilar hafa mikla reynslu á sviði ábyrgra og sjálfbærra fjárfestinga sem við getum lært af. Meðfylgjandi eru hlekkur á viðburðinn og málefni sem rædd verða en endanleg dagskrá verður send út síðar: https://swesif.org/event/nordic-sif-2019-save-the-date/

Ný stjórn var kosin á aðalfundi IcelandSIF sem haldinn var 10. apríl sl. Stjórnina skipa Davíð Rúdólfsson forstöðumaður eignastýringar Gildi lífeyrissjóði, Egill Tryggvason forstöðumaður fjárfestinga hjá Verði Tryggingum, Kristín Jóna Kristjánsdóttir, fjárfestingastjóri hjá Íslandssjóðum, Kristján Geir Pétursson, lögfræðingur hjá Lífeyrissjóðnum Birtu, Óli Freyr Kristjánsson sérfræðingur í ábyrgum fjárfestingum fagfjárfesta hjá Arion banka, Margit Robertet, forstöðumaður framtakssjóða hjá Kviku og Halldór Kristinsson, forstöðumaður hlutabréfa hjá Landsbréfum. Kristín Jóna er stjórnarformaður samtakanna og Óli Freyr er varaformaður stjórnar.

Þann 10. janúar sl. var í Nauthóli haldinn fundur IcelandSIF þar sem farið var yfir með hvaða hætti Heimsmarkmið Sameinuðu Þjóðanna geta tengst ákvarðanatöku fjárfesta við fjárfestingar.

Í dag stóð IcelandSIF fyrir fræðslufundi um græn skuldabréf útgefin af Landsvirkjun. Fundurinn sem haldinn var í höfuðstöðvum Landsvirkjunar að Háaleitisbraut var vel sóttur af um 50 áhugasömum fundargestum og meðlimum samtakanna IcelandSIF.

Morgunfundur IcelandSIF um málefni ábyrgra fjárfestinga var haldinn 5. september sl. Á fundinum voru flutt tvö erindi um ábyrgar fjárfestingar. Í fyrra erindinu kynntu Ninna Stefánsdóttir og Hildur Sif Arnardóttir niðurstöður meistaraverkefna sinna við Háskóla Íslands um innleiðingu ábyrgra fjárfestinga hjá íslenskum stofnanafjárfestum. Síðara erindið, Ábyrgar fjárfestingar og framtaksfjárfestingar, flutti Margit Johanne Robertet, forstöðumaður Framtakssjóða hjá Kviku.